ကာလကတ္တားမြို့၊ “ဗောဓိနိဝါသကျောင်းဆောင်သစ်ကြီး” ဆောက်လုပ်ရာတွင် ပါဝင်လှူနိုင်ကြပါပြီ

buddha_pool-for-web1

မြန်မာ အပါအ၀င် အရှေ့ဖက် အိမ်နီးချင်းနိုင်ငံများမှ စတင်ဝင်ရောက်ရာမြို့၊ မြန်မာ- အိန္ဒိယနှစ်နိုင်ငံ ယှက်နွယ်သည့် သမိုင်းနောက်ခံရှိသည့်မြို့ ၊ စီးပွါးရေးကိစ္စ၊ ကျန်းမာရေး၊ ပညာရေးကိစ္စများမှသည် ဘုရားဓါတ်တော်စစ်ဖူးခွင့်ရသည့် အကြောင်းထူးရှိ၍ ဘုရားဖူးခရီးသည်များ၊ လေ့လာရေးခရီးသည်များ မဖြစ်မနေ အရောက်လာကြသည့်မြို့ ၊ လွတ်လပ်ရေးကြိုခေတ်မှသည် ယနေ့တိုင် အချက်အချာကျပြီး၊ အရေးပါလှသည့် သည်မြို့တွင် ကောင်းကောင်းမွန်မွန် ကျယ်ကျယ်ပြန့် ပြန့် တည်းခိုနေထိုင်၍ ရသည့်နေရာက ယနေ့တိုင် မရှိသလောက်ဖြစ်ပါသည်။ ကာလကတ္တားမြို့၊ နေတာဂျီး ဆုဘ (စ်) စန္ဒြ ဘို့စ် (Netaji Subash Chandra Bosh International Airport) အပြည်ပြည်ဆိုင်ရာ လေဆိပ်နှင့် လက်တကမ်းတွင် တည်ရှိသည့် ဗောဓိသုခပရဟိတကျောင်းတိုက်သည် ယနေ့တိုင် ဘုရားဖူး ခရီးသည်များ၊ ပညာတော်သင် ကျောင်းသား/သူများ၊ ဆေးဝါးလာရောက်ကုသကြသည့် ဝေဒနာရှင်များ အ၀င်အထွက်အများဆုံး ဆုံရပ်တစ်ခုဖြစ်နေဆဲဖြစ်ပါသည်။ သို့တိုင် ကျောင်းတိုက်ထဲမှာ လုံလောက်သည့် တည်းခိုနားနေစရာမရှိသည့် အခက်အခဲကြောင့် အဖြစ်သဘော ဒွေးရောယှက်တင် အံမ၀င် ခွင်မကျ နေထိုင် လုပ်ကိုင်ကြရဆဲဖြစ်ပါသည်။ ကျောင်းအရာမ်ကို ပေးလှူခြင်းသည် အရာရာကို ပေးလှူရာရောက်သည် ဆိုသည့်အတိုင်း ကျောင်းဆောင်း ကျောင်းဝင်း ခြေခင်းလက်ခင်းသာယာလျှင် အထက်ပါ ခက်ခဲရှုပ်ထွေးမှုများကို အလိုလျောက် ဖြေရှင်းနိုင်မည်။ လူရောရှင်ပါ အရပ်လေးမျက်နှာ လာလာသမျှတို့ နွေးထွေးလုံခြုံစွာ ခိုဝင်၍ ရကြမည်ဖြစ်ပါသည်။ အလုံအလောက်ကျယ်ဝန်းသော ကျောင်းဝင်းတစ်ခုလုံးတွင် မိမိတို့၏ စနစ်တကျ တည်ဆောက်မှုမှာ အောက်ပါအတိုင်း သုံးပိုင်းပါဝင်သည်။

  • ဘုရား၊ စေတီ သိမ်စသည့် တရားဓမ္မရပ်ဝန်း အပိုင်း၊
  • တည်းခိုနေထိုင်ကြရာရပ်ဝန်း အပိုင်းနှင့်
  • ပညာသင်ယူဆည်းပူးကြရာ အပိုင်းဟူ၍ စနစ်တကျ ခွဲခြမ်း၍ စတင်တည်ထောင်လာခဲ့ခြင်း ဖြစ်ပါသည်။

ယခုပြီးခဲ့သည့် သြဂုတ်လ (၁၃) ရက်မှ စတင်၍ အရေးတကြီးလိုအပ်နေသည့် တည်းခိုနေထိုင်ရာ ရပ်ဝန်း (နိဝါသ) အတွက် ဗောဓိနိဝါသ ကျောင်းဆောင်သစ်ကြီးကို စတင်တည်ဆောက်နေပြီးဖြစ်ပါသည်။ လိုအပ်သမျှ အလုံအလောက်ကျယ်ကျယ်ဝန်း တည်ခို၍ ဖြစ်အောင် ကြီးမားပါသည်။ သို့ဖြစ်၍ အဆိုပါ အထိကရ (၄) ထပ် ကျောင်းဆောင်သစ်ကြီး အမြန် ပြီးစီးနိုင်ရန် ရပ်နီးရပ်ဝေး စေတနာ့ရှင် သာသနာ့ဒါယိကာ၊ ဒါယိကမတို့မှ သဒ္ဓါထက်သန် တတ်အားသရွေ့  ပါဝင်လှူဒါန်းနိုင်ကြပြီ ဖြစ်ကြောင်း သတင်းကောင်းပါးလိုက်ပါသည်။

 

စေတနာရှင်များ အောက်ပါအတိုင်း ပါဝင်လှူ ဒါန်းနိုင်ပါသည်။

၁) ၁၃ ပေ ၁၅ ပေ ကျယ် အခန်းတစ်ခန်း ဒေါ်လာ ၅၀၀၀ (ကမ္ဗည်း ထိုးပေးရန်)

၂) လူ (၈) ဦးဆန့် ဓါတ်လှေခါး တစ်စီး အမေရိကန် ဒေါ်လာ ၂၀၀၀၀   (ကမ္ဗည်း ထိုးပေးရန်)

၃) ကျောက် ကားကြီး တစ်စီး ရူပီး ၂၇၀၀၀

၎) သဲကားကြီး တစ်စီး     ရူပီး ၁၀၀၀၀

၅) ဆီမန်းတအိတ်         ရူပီး ၄၀၀

၆) အုတ် ၁၀၀၀           ရူပီး ၉၀၀၀

၇) သံ တစ်တန်           ရူပီး ၁၀၀၀၀၀

 

မေတ္တာဖြင့်-

ဆရာတော် ဒေါက်တာ နန္ဒောဘာသ